«Қазақстан, әскер, отаншылдық» (ЕРЕЖЕ)

Отан қорғаушылардың 20-жылдығына арналған

тақырыбындағы оқушылар арасында ең үздік шығармалар мен суреттерге

жарияланған республикалық бәйгені өткізу туралы ЕРЕЖЕ

 

1. Республикалық бәйге 2011 жылдың 1 қыркүйегі мен 2012 жылдың 31 қаңтары аралығында өткізіледі.

2. Материалдарды қабылдау мерзімі – 2012 жылдың 5 ақпанына дейін.

3. Бәйгенің қорытындылары 2012 жылдың сәуір айында шығарылады.

4. Бәйгені ұйымдастырып, өткізуді әл-Фараби атындағы Қазақ ұлттық университеті мен «Әріптес» үкіметтік емес ұйымдарының Конфедерациясы (АКНО) Қазақстан Республикасы бұқаралық ақпарат құралдарының ақпараттық қолдауымен жүзеге асырады.

 

Әділқазылар алқасы

1. Әділқазылар алқасының құрамына белгілі журналистер мен әл-Фараби атындағы ҚазҰУ оқытушылары, әскерилер, қоғамдық қайраткерлер кіреді.

2. Әділқазылар алқасы тақырып бойынша үздік жұмыстарды екі (2) турда іріктейді.

3. 2012 жылдың сәуір айындағы мәжілісте әділқазылар алқасы үздік жұмыстарды бекітеді.

 

1. Мектеп шығармалары мен суреттер бәйгенің мақсаты мен міндеттеріне жауап беруі тиіс, нақты: қазақстандық әскердің тарихы мен өмірін үлгі тұта отырып, жастарды отаншылдыққа тәрбиелеу, оларды Қазақстанның отансүйгіштік және рухани-адамгершілік құндылықтарына, қазақ халқы мен қазақстандықтардың әскери дәстүрлері, әдет-ғұрпы, тарихы мен мәдениетіне бейімдеу, әскердің өткені мен бүгінін сөз ете отырып, Қазақстан әскерінің болашағына көз жіберу.

2. Бәйгеге ұсынылған жұмыстар мектеп шығармаларына қойылған талаптарға сәйкес болуы тиіс.

3. Шығармалар бәйгеге ұсынылған тақырыпқа, яғни Отан қорғаушылардың 20-жылдығына арналған «Қазақстан, әскер, отаншылдық» тақырыбына сай болуы шарт. Марапаттаулар Әділқазылар алқасы мүшелері қазақ және орыс тілдеріндегі үздік шығармалар мен суреттерді анықтайды. Жеңімпаздар сертификаттар иеленеді.

Сертификаттармен үздік мектептер, білім беру басқармалары, үкіметтік емес ұйымдар марапатталады.

 

1. Әділқазылар алқасы хат алыспайды, пікір бермейді және педагогтарға, үкіметтік емес ұйымдарға, журналистерге, бұқаралық ақпарат құралдарына бәйгеге ұсынылған материалдар туралы есеп бермейді.

2. Бәйгеге ұсынылған материалдар қайтарылмайды.

3. Бәйгенің қорытындылары бойынша 2012 жылдың сәуірінде баспасөз мәслихаты өткізіліп, жеңімпаздарға тақырып бойынша үздік шығармалары үшін сертификаттар беріледі. Бәйгеге ұсынылған материалдарды одан әрі қолдану әл-Фараби атындағы Қазақ ұлттық университеті мен «Әріптес» үкіметтік емес ұйымдарының Конфедерациясы (АКНО) құқында.

 

Материалдарды төмендегі мекен-жайға және міндетті түрде электронды нұсқасын жіберу қажет: Ахметова Ләйла Сейсембекқызына жоғары сынып оқушылары мен жастарға жарияланған Отан қорғаушылардың 20-жылдығына арналған «Қазақстан, әскер, отаншылдық» тақырыбындағы бәйгеге деген белгімен жіберу қажет. Электронды пошта : laila_akhmetova@mail.ru - Ахметова Л.С.

Веб-сайт: www. http://akno.kz/, http://unesco-kaznu.ucoz.kz/